Podería dicir que
Galicia é esa terra, situada ao noroeste da península ibérica, de verdes
paisaxes, fragas, montañas, rías e praias bañadas polo océano atlántico; que
ten unha lingua propia, unha cultura propia e unha xente cunhas características diferentes ao do
resto de España.
Pero para min é algo
máis, Galicia é vida, é o lugar onde crecín, onde está a miña familia, os meus
amigos, os meus estudos, é a miña terra e todo xira ao redor dela.
Galicia, para min, non
é só unha terra, é unha lingua, é unha cultura, é esa forma especial dos
galegos, que non se saben, se soben ou baixan cando están no medio dunha escaleira;
ou que cando lles preguntas algo, contestan cun “malo será”. Ser galego é ter
morriña da túaterra, e querer volver cando estamos uns días fóra, aínda que
despois queixémonos de que aquí está sempre chovendo. Ser galego é ter acento
galego e estar orgulloso diso.
Non seise é unha comunidade,
unha rexión ou un país. O único que sei é que é a miñaterra. Podería nacer
noutro lugar, pero nacín aquí, gústame
vivir aquí e espero que non teña que irme de Galicia. E se me vou, seguro que
volverei, como os bos fillos que volven sempre a ver á súa nai, os galegos,
estean onde estean, sempre volven.
No hay comentarios:
Publicar un comentario